Walay imposible sa Diyos

                 

“Mitubag si Jesus, ‘Ang dili mahimo sa tawo mahimo sa Dios.’ (LUKE 18:27)

.

Ang kaluwasan alang sa tanan pero gikinahanglan  walay mobabag nga kinaugalingong pagbuot, sama sa salapi ug bahandi, aron matagamtam kini sa hingpit. Kung si Ginoong Hesuskristo adunay ipabuhat kanato dili kita mobalibad. Kasagaran ang  atong salapi o bahandi  maghatag kanato ug sayop nga panglantaw ug seguridad sa kinabuhi  ug sa  atong katagbawan niini,  malimot kita  nga adunay mas angay unahon diay pagpangita--ang Diyos hinungdan nga aduna siyay ipakita kanato nga angay natong pamalandongan.

.

ANG PAGPAKITA SA DIYOS SA IYANG PAGKAGAMHANAN

Aduna ba goy dili mahimo sa Ginoo? (GENESIS 18:14)

Bahin sa pangutana ug si kinsa ang maluwas (MATTHEW 19:25), Si Pedro misulat, “Kon lisod maluwas ang tawong matarong, unsa pa kaha ang wala motuo sa Dios ug ang mga makasasala?” (1 Peter 4:18). Sa mga tawo kini imposible apan ang Diyos adunay mahimo aron mausab ang usa  ka daotan  ug makasasala (Matthew 19:26). Alang sa mga matarong, padayon lamang sa paglakaw sa “masigpit ang ganghaan ug malisod nga dalan paingon sa kinabuhing dayon” (Matthew 7:14) kay nagsaad ang pulong sa Diyos, “…gantihan man dinhi sa kalibotan ang mga maayong tawo” (PROVERBS 11:31).  Karon kung mangutana ka kinsa lamang diay ang maluwas ug sa unsang paagiha? Ang tubag: Maluwas ang imong kinabuhi kung mosalig ka sa Ginoo.” (JEREMIAH 39:18). Siya gayod maoy gasulti niini.

.

Walay  butang nga lisod para sa Ginoo (Jeremiah 32:17)

Walay butang nga labihan ka katingalahan alang kaniya  ug walay huna-huna nga dili niya makab-ot. Mahimo niyang  buhaton ang tanang butang nga iyang gikahimut-an  kay mahimo niya ang pagtuman sa iyang mga saad  ug tumanon sa iyang mga pulong ang iyang mga  tuyo ug molampos kini. Ang tanan nga naglibot kanato gihimo sa Diyos gikan lamang sa iyang pulong. Kung ihulagway nato ang bantugang magbubuhat, mahimong madasig kita ug mapalalom pa ang atong pagtoo aron sa pagsanta niadtong wala gayod mitoo ug nag-ingon nga imposible ang tanan apan tin-aw kaayo nga walay lisod para sa atong Ginoo.

.

ANG PAGPAKITA SA DIYOS SA IYANG PAGKA-DIYOS

Dili siya mahibulong (ZECHARIAH 8:6)

Dili malisod sa mata sa Diyos ang tanan tungod kay  siya ang Diyos ang naghatag sa kinabuhi, tinubdan sa tanan ug siya lamang ang makaluwas. Gusto ka ba nga maluwas? Usahay makalibog ug katingalahan sud-ongon ang mga saad sa Ginoo apan sa gisulti na niya ug gibalik-balik pag-ingon: Dili malisod alang kaniya ang gilantaw nato nga lisod.

.

Sa iyang kabubut-on, makakuha siya sa atong kalisod (MATTHEW 14:36)

Iyang ipabuhat ngadto sa iyang mga pinili ang iyang kabubut-on.  Modungog siya sa atong mga pagtuaw  ug siya gayod mismo ang mosilot sa misupil kaniya. Siya ang angayan nga kahadlukan kay siya balaan  ug adunay gahom sa pagpatay  ug pagtambog ni bisan kinsa ngadto sa impyerno. Makalilisang gayod ang mahulog  sa iyang kamot ug mahukmang sad-an.

.

Dili kita makasunod sa Ginoo samtang magkinabuhi sa kalibutanong kadato.  Matod sa iyang pulong:  kadtong kadtong buot madato mahiagom sa tintasyon ug malit-ag sa daghang mga binuang ug makadaot nga mga tinguha nga maoy makabanlud kanato ngadto sa kaalaotan ug kalaglagan. Kay ang pagkamahigugmaon sa salapi maoy tinubdan sa tanang pagkadaotan. May mga tawo nga tungod sa kadako sa ilang tinguha nga masapian, nahimulag hinuon sa pagtuo ug nahiagom sa daghang mga kagul-anan (1 Timothy 6:9F). AMEN.   

.

(Michael Medina, WCM   The Light Of Christ Ministry)

GUSTO KA BA MOADTO SA IMPIYERNO?

Luke 16:19-31 (Basaha ang istorya bahin sa Dato ug ni Lazaro)

Mga bersikulo nga gamiton: v24-v31

.

Tinood nga adunay impyerno, mao kini ang kalayo nga walay pagkapalong nga giandam alang sa Yawa ug sa iyang mga anghel (Matthew 25:41). Gitawag usab kini ni Pablo nga ang silot nga mao ang walay kataposang pagkalaglag layo gikan sa presensya sa Ginoo ug sa iyang mahimayaong gahom (1 Thessalonians 1:9). Uban kanila ang mga tawo kansang ang kasuko ug kapungot sa Dios gipahamtang tungod kay naghunahuna lamang sila sa ilang kaugalingon ug nagsalikway sa kamatuoran ug padayong nagbuhat sa daotan. Didto sakiton ug paantuson ang tanan nga nagbuhat ug daotan. (Roman 2:8F). Apil ang mga wala magtagad sa ebanghelyo didto usab itambog. (Matthew 10:15)

.

MAHIMONG DAKO ANG KAUSABAN SA IMONG

KAUGALINGON KUNG ATOA KA NA SA IMPYERNO

 .

Mag-antos ikaw sa kainit (v24) nga masakit pag-ayo ang imong kasingkasing ug magpangagot ang imong mga ngipon. Mao kini ang mahitabo sa mga tawo nga misupil sa Diyos. Dili mangamatay ang mga ulod nga mokutkot kanila o mapalong ang kalayo nga mosakit kanila. Ang  kastigo sa Diyos nga ipahamtang mag-anam sa pagdunot ang ilang unod. Ang kauban nimo dinhi mao kadtong gipapahawa sa Diyos gikan sa iyang presensiya ug iyang gipanghimaraot apil na kadtong mga wala mitoo kang Hesukristo. “Busa miingon ang Ginoong Dios, “Ang akong mga alagad buhong sa pagkaon apan kamo gutomon; magtagbaw sila sa ilimnon apan kamo uhawon; maglipay sila apan kamo pakaulawan;” (Isaiah 65:13)

 .

Adunay pagbaylo sa kahimtang (v26) Mausob ang masinati sa mga nagpatuyang ug tigom ug mga bahandi ug nakapahimulos pag-ayo sa kinabuhi nga hayahay sa kalibutan (Luke 6:24); gani sila nagpuyo sila nga malinawon tungod sa pagpahimulos ug pamintaha  sa uban nga mamatay sila nga dili gani makasinatig pag-antos (Job 21:13); kini sila ang nagsubay sa mga pamaagi nga bangis ug mapintas (Psalm 17:4). “Makita nato dinhi ang pagkamaluluy-on ug pagkaestrikto sa Dios. Estrikto siya niadtong nangapukan, apan maluluy-on kanimo—kon magpabilin ka sa iyang kaluoy. Kay kon dili, putlon ka usab.” (Romans 11:22)

. 

PAGHIMO UG DAKO NGA KAUSABAN SA IMONG

KAUGALINGON ARON DILI MAADTO SA IMPYERNO

. 

Kay malisod ang pagbalhin paingon sa langit (v26). Nag-ingon ang Psalmista “Ang pagkamatarong sa Diyos daw mga habog nga bukid; ang iyang mga hukom sama sa kahiladman sa dagat.(Psalm 36:6). Ang atoa sa impyerno maglisod sa pagtungas kay atoa man sila sa lawom nga bung-aw. Nagsalamin usab kini sa gisangyaw bahin kang Cristo nga gilansang sa krus diin wala dawata sa uban ug gilantaw nga binuang alang pod sa uban hinungdan nga nakatilaw sila sa kasuko sa Diyos. “Ayaw kamo pakighiusa sa mga dili magtutuo, kay dili gayod magkasinabot ang matarong ug ang daotan o mag-ambitanay ang kahayag ug ang kangitngit. Dili gayod magkauyon si Cristo ug si Belial (o Satanas). Kay managsama ba gud ang magtutuo ug ang dili magtutuo? (2 Corinthians 6:14)

. 

Paminaw sa mga pagsangyaw sa pulong sa Diyos (v29) Pagbantay usab sa mga plano sa yawa nga iyang buhaton aron ipanugilon ang sayop nga pagtulon-an. Ang nakasubo niini kay gitagna nga daghan raba ang modawat ug motuman sa hinimo sa kaaway. Magbantay kay hangtod karon mao kini ang gipakaylap ngadto sa kalibutan (Matthew 28:11-15). Daghan sa mga tawo karon nga maglisod sa pagdawat ug pagtoo makakita sa gipangbuhat sa mga mitoo ug misunod ni Jesus ang magplano ug dautan ug manglutos ngadto kanila nga nagbuhat sa buluhaton sa Diyos. (John 11:45-47).

. 

Ang Diyos maoy nagpili sa mga propeta diin gihatag ngadto kaniya ang mensahe ug isulti kini niya ang bisan unsa nga isugo sa Diyos kaniya (Deuteronomy 18:18). Sila nagsusi ug nagpakisayod mahitungod sa kaluwasan ug nanagna sila mahitungod niining gasa nga ihatag sa Dios kanato (1 Peter 1:10). 
.
Si Jesus ug ang mahitungod kaniya ang gisulti sa tibuok Kasulatan, sugod sa mga basahon nga gisulat ni Moises hangtod sa mga sinulat sa tanang propeta (Luke 24:27). Ang gisulti ni Moises og mga propeta mao usab ang gisulti ni Pablo diha sa iyang mga sulat (Acts 26:22). Kinsa kadtong motoo kang Moises motuo usab unta kang Jesus kay nagsulat man siya mahitungod kaniya (JOHN 5:46). 

.

Sa katapusan, sayon ra ang pag-adto sa impyerno. Himoa lang nga mahiuyon ang imong kinabuhi sama niining mga tawo nga gidumtan sa Diyos: sila nga mga talawan, wala magtuo, malaw-ay, mamumuno, makighilawason, salamangkero, nagsimbag mga diosdios ug ang tanang bakakon (Pinadayag 21:8). AMEN